Երգչուհի Սիրուշոն Instagram-ի իր էջում Երգի պետական թատրոնի հիմնադիր, ՀՀ ժողովրդական արտիստ Արթուր Գրիգորյանի հետ լուսանկար է հրապարակել, որին կից գրել է.
«Արթուր Գրիգորյանի և իր հիմնած Երգի պետական թատրոնի ավանդը անասելի մեծ է հայկական Որակյալ երաժշտության մեջ:
Նա օր ու գիշեր աշխատել է և կերտել սերունդներ, երաժշտական ճաշակ և որակ, տուն է դարձել մի շարք այսօր սիրված կատարողների համար:
Մինչ օրս այն եզակի որակյալ երաժշտական կառույցներից է, որ ճիշտ կրթություն է տալիս:
ԵՊԹ-ի սան երբեք չեմ եղել, բայց շատ բարձր եմ գնահատում այն հսկայական աշխատանքը, որ տարվել է և խոնարհվում եմ Արթուր Գրիգորյանի տաղանդի և աշխատանքի առջև: Մեր Մեծերին չգնահատելը դեմ է մեր ազգային արժեքներին»:
Հիշեցնենք, որ մամուլում օրերս տարծվել և մեծ արձագանք էր ստացել մշակույթի նախարարության տեղեկանքը, որում, ի թիվս այլ կառույցների, առաջարկվում էր լուծարել նաև Երգի պետական թատրոնը։ Սակայն երեկ Երգի պետական թատրոնի հիմնադիր, ՀՀ ժողովրդական արտիստ Արթուր Գրիգորյանը տեղեկացրել էր, որ թատրոնի լուծարման հարցը կասեցված է:
