Մայիսի 6-ին «Best Western Congress» հյուրանոցում կազմակերպված հանդիպմանը դիետոլոգ Գայանե Շախատունին պատմեց նիհարելու գաղտնիքների, իր հաճախորդների կորցրած կիլոգրամների ու իրենց գրանցած արդյունքների մասին: Միջոցառմանը ներկա էին շոու-բիզնեսի շատ  հայտնիներ՝ Սոնա Ռուբենյան, Մերի Մակարյան, Լայանա, Նաիրա Մովսիսյան և այլք,  ովքեր նույնպես օգտվել են E.C.O. սնունդից ու հասել զգալի արդյունքների: Գայանե Շախատունու խոսքով` E.C.O.  առողջարար սնունդից օգտվողները չունեն իրենց առջև դրված սահմանափակումներ.

«Առողջ սննդակարգն առողջ ապրելակերպի գրավականն է, սա մեր կարգախոսն է, որով մենք շարժվում ենք առաջ: Օրական 5-6 անգամ սնվելով մենք հասնում ենք զգալի արդյունքների: Յուրաքանչյուր հաճախորդի տրամադրելով  անհատական սննդակարգ ու մոտեցում: Ամեն առավոտյան մենք առաքում ենք ամբողջ օրվա սնունդն ու կապ հաստատում հաճախորդի հետ՝ հետևելու նրա գրանցած արդյունքները»,- նշեց դիետոլոգ Գայանե Շախատունին:

Վերջինս նշեց նաև, որ շատ կարևոր է, որ հաճախորդն օրվա ընթացքում հագենա այն սնունդից, որն ուտում է՝ չզրկվելով նույնիսկ քաղցրավենիքից:

«Ֆիթնես-քաղցրավենիքը նույնպես չի գիրացնում, համեղ է և օգտակար: Պետք է սնվել այնքան, որ հագենաս, չզրկես քեզ համեղ սննդից և միևնույն ժամանակ քաշ կորցնես. ահա նախագծի գաղտնիքը»,-Asekose.am-ի հետ զրույցում պատմեց դիետոլոգը:

Հեղինակ՝ Ա. Հարությունյան