Գերմանիայի կանցլեր Անգելա Մերկելը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ և կոչ արել անհապաղ դադարեցնել ռազմական գործողությունը Սիրիայի հյուսիս-արևելքում։ Այս մասին հայտնում է ՌԻԱ Նովոստին։
Ըստ աղբյուրի՝ հեռախոսազրույցը տեղի է ունեցել կիրակի օրը թուրքական կողմի նախաձեռնությամբ։
Նշվում է, որ զրույցի կենտրոնում եղել է Սիրիայի հյուսիս-արևելքում իրավիճակը՝ Թուրքիայի ռազմական գործողության սկզբից հետո։
«Կանցլերը կոչ է արել ռազմական գործողության անհապաղ դադարեցման օգտին։ Մերկելը նշել է, որ չնայած Թուրքիայի՝ անվտանգության ոլորտի հիմնավոր շահերին, այդ գործողությունը սպառնում է տեղի բնակչության նշանակալի մասին միգրացիայով, տարածաշրջանի անկայունացմամբ և ԻՊ-ի դիրքերի ամրապնդմամբ»,-ասված է հաղորդագրությունում։
