Հիշեցում Asekose.am-ի կողմից` բլոգերների ու համացանցի օգտատերերի գրառումները ներկայացվում են առանց խմբագրման:
Մի բան ասեմ, խփել չկա :
Գելլափի հարցման արդյունքներե նույնիսկ մեղմ են, ոչ թե կեսից ավելին, այլ 70-80 տոկոսը կողմ են միանալու Ռուսաստանին: Հեսա խոպանչիները Նոր տարուն գան մի հատ էլ հարցրեք: Կապշեք:
Քանի տարի ա ասում եմ, ֆեյսբուքից դուրս եկեք , հասարակ ժողովրդի հետ շփվեք:
Ու մարդիկ ոչ թե ստրուկ են կամ ռուսուլման , այլ ուղղակի դավադիտ եղած են: Անգործությունից, տարբեր մակարդակի իշխանությունների բեսպրեդելից, անորոշ ապագայից: Կիսասոված մարդուն շատ բարդ ա բացատրել ինչ լավ բան ա անկախությունը ու ինչքան կարևոր ա այն պահպանելը:
Շատերը ուղղակի կարգ ու կանոն են ուզում, ուզում են որ հաբռգած օլիգարխի կամ պաշտոնյայի գլխին բամփեն: Իսկականից բամփեն :
Մի հատ էլ հարցում թող անեն, քանի մարդ կուզենա Պուտինին կամ Լուկաշենկոյին կամ նույնիսկ Սահակաշվիլուն տեսնի որպես Հայաստանի նախագահ: Ողբալու պատկեր կստանանք:
Կզարմանաք, բայց Արա Աբրահամյանի նման անկապության ստեղծած կուսակցությունը երկրորդ տեղ գրավող ա մեկից մեկ : Փակ աչքերով ու առանց առանձնապես ջանք թափելու: Լյուբոյ ինչ-որ ընտրությւոնում :
Ու խնդիրը Ռուսաստանը չի: Խնդիրը ավելի խորքային ա: Լիներ Ամերիկան մեր քթի տակ, ու հայերին ազատ ելք ու մուտք տար ու փող աշխատելու հնարավորություն կեսից շատը կուզենային միանային ԱՄՆ-յին:
Այ սա յա իրականությունը: Շատ ցավոտ ու շատ դառնոտ:
Ու մի անպատվեք սեփական հասարակ ժողովրդին, ով ամբողջ օրը ֆեյսբուքում կամ փաբերում քցած չի ու վեհ գաղափարներից փիլիսոփայում, այլ օրվա հացի խնդիրն ա լուծում :
Հայաստանում, Ռուսաստանում, Ամերիկայում կամ Բելառուսում:
