azatutyun.am-ը գրում է, որ ընդդիմադիր պատգամավոր, ՀՀՇ վարչության նախագահ, Հայաստանի նախկին արտգործնախարար Ալեքսանդր Արզումանյանի կարծիքով, նախագահ Սերժ Սարգսյանն իր ամանորյա ուղերձը հղել է ոչ թե հայ ժողովրդին, այլ Կրեմլին, և նպատակը հավատարմության ցուցադրությունն է Պուտինին:
«Ազատության» հետ զրույցում Արզումանյանն ասել է, թե ուղերձի հենց առաջին պարբերությունում Մաքսային միության հիշատակումը վկայում է, որ հայ-ռուսական հարաբերությունները խորը ճգնաժամի մեջ են, ու Պուտինի վարչակազմը չի վստահում Հայաստանի ներկայիս իշխանություններին: Նախագահ Սարգսյանի ամանորյա ուղերձի հենց առաջին պարբերությունում կարդում ենք․ - «Մենք ավելի սերտացրինք Հայաստանի տնտեսական, քաղաքական ու ռազմական համագործակցությունը Ռուսաստանի Դաշնության հետ, իսկ գալիք տարի, վստահ եմ, կդառնանք Մաքսային միության լիիրավ անդամ: Հայաստանը ստեղծում է նոր իրականություն, որտեղ լինելու է ավելի պաշտպանված և ավելի մրցունակ»:
«Ինչպես չարություն արած աշակերտը ձգտում է ինչ-որ բանով ուսուցչին դուր գալ... Սա արգասիքն է այն քաղաքականության, որ մենք վարել ենք վերջին տարիներին: Այսինքն` ամբողջությամբ ստրկացման տանելուց հետո, հիմա մեզ հետ վարվում են որպես ստրուկի հետ: Պարտադրում են մեզ», - նշել է ՀՀՇ վարչության նախագահը:
Սկզբնաղբյուր կայքում կարդացեք նաև «Ժառանգություն» կուսակցության փոխնախագահ Արմեն Մարտիրոսյանի և ՀՀԿ-ի խորհրդարանական խմբակցության քարտուղար Հովհաննես Սահակյանի կարծիքները` Սերժ Սարգսյանի ամանորյա ուղերձի մասին:
