ՀՀ ոստիկանությունից տեղեկացնում են, որ 2013 թ. օգոստոսի 1-ից գործարկվելու են երթևեկության նկատմամբ վերահսկողության և իրավախախտումների արձանագրման տեսախցիկներ, որոնք տեղակայված են հետևյալ խաչմերուկներում՝ Մաշտոցի պողոտա-Մոսկովյան փողոց, Բագրատունյաց պողոտա-Չեխովի փողոց, Թբիլիսյան խճուղի-Զ.Քանաքեռցու փողոց, Ֆուչիկի փողոց-Մարգարյան փողոց, Աբովյան փողոց-Թումանյան փողոց, Տերյան փողոց-Թումանյան փողոց, Նալբանդյան փողոց-Սայաթ-Նովայի փողոց, Հրաչյա Քոչարի փողոց-Փափազյան փողոց, Հրաչյա Քոչարի փողոց-Վաղարշյան փողոց:
Ճանապարհային ոստիկանությունը կրկին հորդորում է վարորդներին` պահպանել ճանապարհային երթևեկության կանոնները:
