Ոնց էի աչքաթող արել՝ ուղղակի աններելի է: Եվ այսպես՝ Լ. Տեր-Պետրոսյան. «Թերահավատության անխուսափելի արձագանքներին միանգամից հակադարձեմ. ինչո՞վ է Ծառուկյանը պակաս Իվանիշվիլուց (ում հաջողվեց, շնորհիվ նաեւ Սահակաշվիլու խոհեմության, փափուկ իշխանափոխություն իրականացնել) կամ Ռենատ Ախմետովից ու Սերգեյ Տիգիպկոյից (ովքեր Յանուկովիչին թույլ չտվեցին արտակարգ դրություն հայտարարել Կիեւում)»:
Բիձինայի հետ համեմատության մասին արդեն շատ է խոսվել, իսկ Ախմետովի ու Տիգիպկոյի առումով ասեմ՝ եթե իրոք իրենք չեն թողել, որպեսզի Յանուկովիչը մտցնի արտակարգ դրություն՝ ուրեմն շատ ապրեն: Բայց չէ որ 2008-ին Ծառուկյանը ոչ միայն դեմ չկանգնեց արտակարգ դրություն մտցնելուն, այլ, ըստ ԱԺ փաստահավաք խմբի, ամենից մեծ ջոկատը տրամադրեց Քոչարյանին ժողովրդի ընդվզումը ճնշելու համար:
