Անկեղծ ասած, ես մեր օտարերկրյա գործընկերների հետ չեմ սիրում քննարկել մեր ներքաղաքական զարգացումները, որոնք այդ զարգացումներից մենք պետք է գոհ կամ դժգոհ լինենք: Այս մասին Փարիզում Ֆրանսիայի հայ համայնքի հետ հանդիպմանն ասել է ՀՀ վարչապետ Նիկոլ Փաշինյանը:
Նա անդրադարձավ նաև հայաստանի ներքաղաքական դժվարությունների մասին հարցին՝ նշելով. «Անընդհատ հայտարարություններ են հնչում Հայաստանում ներքաղաքական դժվարությունների մասին. եթե այս դահլիճում որևէ մեկը կա, ով գիտի, թե ինչի մասին է խոսքը, խնդրում եմ՝ բացատրեք, ես էլ հասկանամ»:
Ինչ վերաբերում է Ֆրանսիայի նախագահ Իմանուել Մակրոնի հետ հանդիպման արդյունքներին, ՀՀ վարչապետն ասաց. «Այսօրվա հանդիպման ամենակարևոր արձանագրումը և արդյունքը հետևյալն է. կարող ենք համարել, որ առաջիկայում Հայաստանն ավելի լուրջ և մեծ միջազգային դերակատարում պետք է ունենա: Թավշյա հեղափոխությունից հետո Հայաստանի միջազգային հեղինակությունն աճել է ու կարող ենք արձանագրել, որ կարող ենք ավելի ակտիվ դերակատարում ունենալ միջազգային հարաբերություններում»:
Կառավարության ղեկավարը տեղեկացրել է, որ բացի երկկողմ հարաբերություններից` Ֆրանսիայի նախագահի հետ քննարկել են նաև միջազգային նշանակության տարբեր հարցեր: Նիկոլ Փաշինյանը հավելել է, որ կիսատ մնացած հարցերը Ֆրանսիայի գործընկերոջ հետ կքննարկի Երևանում, երբ Էմանուել Մակրոնը պետական այցով և հարաբերությունները գնալով ավելի ինտենսիվ են դառնալու»,- ասել է վարչապետը:
Անդրադառնալով Ֆրանկոֆոնիայի միջազգային կազմակերպության գագաթաժողովի անցկացման նախապատրաստական աշխատանքներին` Նիկոլ Փաշինյանը համոզմունք է հայտնել, որ Հայաստանը կկարողանա կազմակերպել այն այնպես, որ կազմակերպությունը գագաթաժողովի արդյունքում ավելի ուժեղանա, ֆրանկոֆոն տարածքում մեր երկրի դերակատարությունն ավելի ընդգծվի. «Շատ կարևոր է, որ այն իմիջային դրական փոփոխությունը, որ հեղափոխության օրերից ի վեր սկսվել է Հայաստանում, տեմպը չպետք է կորցնենք: Դրական գործընթացները բերում են նրան, որ մեր գործընկերներն իրենք Հայաստանի ավելի ակտիվ դերակատարում են ակնկալում: Սա լավ հնարավորություն է Հայաստանի համար ավելի վստահ ու տեսանելի հանդես գալ միջազգային կյանքում»: