Այսօր ֆեյսբուքյան իր ուղիղ եթերի ժամանակ վարչապետ Նիկոլ Փաշինյանը, անդրադառնալով Հայաստանի տնտեսական առաջընթացին, ասաց.
«Մեր տնտեսությունը պետք է միտված լինի արտահանմանը, քանի որ Հայաստանի շուկան, ցավոք, շատ փոքր է և միայն մեր շուկայի վրա հիմնված տնտեսությունով չենք կարող բարձր վարձատրվող աշխատատեղեր ստեղծել»:
Որպես օրինակ՝ վարչապետը մատնանշեց թեթև արդյունաբերությունը՝ շեշտելով, որ կա հայկական արտադրության բավականին որակյալ հագուստ, կոշիկ և այլն.
«Ուրախ եմ, որ ես հանրահավաքին մի պիջակ էի հագել, որը մի քանի տեղերում նշել էին, թե «Gucci» կամ «Zilli» է, բայց այն արտադրված է Հայաստանում՝ մասնավոր դերձակի մոտ պատվիրված», - նկատեց Նիկոլ Փաշինյանը:
Կարդացեք նաև՝ Նիկոլ Փաշինյանն ուղիղ եթերի միջոցով խոսել է այն մասին, ինչ չհասցրեց ասել հանրահավաքին