Կառավարության նիստին վարչապետ Նիկոլ Փաշինյանը անդրադարձավ Բնապահպանության նախարար էրիկ Գրիգորյանի ներկայացրած՝ «ՀՀ քրեական օրենսգրքում փոփոխություններ կատարելու մասին», «Վարչական իրավախախտումների վերաբերյալ Հայաստանի Հանրապետության օրենսգրքում փոփոխություններ կատարելու մասին» և «Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին» Հայաստանի Հանրապետության օրենքում փոփոխություն կատարելու» նախագծերի փաթեթին:
«Ամբողջ աշխարհում բնապահպանական հարցերն առաջին օրակարգում են: Այդ բացառիկ հարստության մեծ մասը գտնվում է ոչնչացման եզրին, մենք պետք է կարողանք մեր վերաբերմունքը փոխել»,- ասաց նա:
ԱԱԾ տնօրեն Արթուր Վանեցյանը կարծիք հայտնեց, որ պետք է հանդես գալ որսը ժամանակավոր արգելելու նախաձեռնությամբ: Նիկոլ Փաշինյանն արձագանքեց. «Իրականում կենդանու վերաբերմունքի մասին չի միայն այստեղ քննարկվում. կենդանու նկատմամբ մարդու վերաբերմունքից կարելի է հետևություններ անել, թե մարդն ինչպես է վերաբերվում մարդուն: Ես խորապես համոզված եմ, որ այս պրոբլեմը շատ խորքային է, այստեղ խոսքը գնում է այն մասին, թե մարդու մտածողության մեջ ինչ է թաքնված, թե ինչպես է մարդը ոչ միայն կենդանուն, այլև որևէ էակին վերաբերվում: Օրինական որսը դատապարտելի չեմ համարում, նույնսիկ շատ երկրներում դա ընդունված է հենց բնապահպանական նպատակներով»:
Կարդացեք նաև՝ Նախկին օլիգարխները, կարծես, չափի զգացումը կորցրել են, իրանց թվում է, թե կատակ ենք անում. Նիկոլ Փաշինյան
