ՌԴ նախագահ Վլադիմիր Պուտինը շնորհակալություն է հայտնել Ադրբեջանի նախագահ Իլհամ Ալիեւին «ԼՂ հարցով փոխզիջումային լուծումներ գտնելու» համար: Այս մասին հաղորդում է Ռիա Նովոստին:
Հիշեցնենք, որ Մոսկվայում կայացել է ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիեւի հանդիպումը:
Ադրբեջանի նախագահ Իլհամ Ալիևը հայտարարել է, որ Բաքուն վճռականորեն է տրամադրված, որպեսզի Լեռնային Ղարաբաղում հետկոնֆլիկտային շրջանն անցնի հանգիստ:
«Ես կցանկանայի իմ երախտագիտությունը հայտնել ձեզ այս հարցի նկատմամբ մշտական ուշադրության, շատ կարևոր և զգայուն հարցերի լուծմանն անձնական մասնակցության համար»,- ասել է Ալիևը երեքշաբթի օրը Մոսկվայում Ռուսաստանի նախագահ Վլադիմիր Պուտինի հետ հանդիպմանը:
Նա շեշտել է, որ մշտական կապի մեջ է Ռուսաստանի նախագահի հետ:
«Ռազմական գործողությունների ավարտից հետո անցած ութ ամիսների ընթացքում, կարծում եմ, որ մեր անձնական հաղորդակցությունը ինչպես հունվարին Մոսկվայում, այնպես էլ հեռախոսով շատ կարևոր դեր խաղաց իրավիճակի կայունացման գործում: Մենք վճռական ենք տրամադրված, որպեսզի հետկոնֆլիկտային շրջանն անցնի առավելապես անցավ: Կարծում եմ, որ համատեղ ջանքերով դա մեզ հաջողվում է »,- ասել է Ադրբեջանի նախագահը ՝ շնորհակալություն հայտնելով Պուտինին հրավերի համար:
