«Ելք» խմբակցության պատգամավոր Ալեն Սիմոնյանի հարցն ուղղված էր վարչապետ Նիկոլ Փաշինյանին:
«Երեկ տարբեր կարծիքներ հնչեցին քաղաքական ուժերի կողմից: Բանակցությունները ի՞նչ փուլում են, կա՞ հստակեցում այս հարցում եւ ի՞նչ է սպասվում ապագայում,-հարցրեց պատգամավորը»:
«Երեկվա հանդիպման ընթացքում հետեւյալ տրամաբանությունն էր. ես ասել եմ, որ դեկտեմբերին պետք է տեղի ունենան արտահերթ խորհրդարանական ընտրություններ ու ասել եմ մեխանիզմի մասին, իսկ Ծառուկյան դաշինքի եւ ՀՀԿ ներկայացուցիչներն ասել են, որ իրենք չեն պատրաստվում վարչապետի թեկնածու առաջադրել: ՀՅԴ-ը ներկայացուցիչը ասվածի հետ եւս համաձայնեց»,- ասաց վարչապետ Նիկոլ Փաշինյանը:
Վարչապետը շեշտեց՝ խելամտությունը ստիպում, որ երկրորդ անգամ մայիսի 1 անելու գայթակղությանը տրվելն անտեղի է:
«Այս տարվա մայիսի 1-ին ես այս ամբիոնից ազդարարեցի քաղաքական որոշ ուժերի ինքնասպանություն գործելու փաստի մասին եւ ցավալիորեն ինքնասպանությունների շարքը շարունակվում է»,- եզրափակեց Փաշինյանը:
