ԱՄՆ պետքարտուղար Ջոն Քերրին կդառնա պետքարտուղարության առաջին գործող ղեկավարը, որը կայցելի Անտարկտիդա, ընդ որում ուղեւորությունը ծրագրված է նոյեմբերի 7-10-ը, մինչդեռ նոյեմբերի 8-ին ԱՄՆ-ում նախագահական ընտրություններ են անցկացվելու, հայտնում է BBC–ն։
Ամերիկյան դիվանագիտական գերատեսչության մամուլի քարտուղար Ջոն Քիրբին լրագրողների հետ զրույցում հերքել է, որ Քերրին միտումնավոր է հենց այդ օրերին մեկնում երկրից ՝ Անտարկտիդա այցելության ժամանակի ընտրությունը բացատրելով բարենպաստ եղանակային պայմաններով։
Քիրբին հայտնել է, որ Քերրին վաղաժամկետ է քվեարկել։
Պետքարտուղարության հաղորդագրության մեջ ասվում է, որ Քերրին կայցելի սառուցյալ մայրցամաքում ԱՄՆ խոշորագույն հետազոտական կայանը, ափամերձ Մակ-Մերդո, նաեւ Հարավային բեւեռում գտնվող ամենահին անտարկտիկյան «Ամունդսեն Սքոթ» կայանը։
