«Դուք խոսում եք սցենարների մասին, որոնք ուղղակի չեն կարող լինել: Ինչի՞ եք ինձ հարցնում, դուրս եկեք փողոց ու մարդկանց հարցրեք, տեսեք՝ իրենք ո՞նց են վերաբերվում: Այդ կապակցությամբ որոշումներ կայացնողը ես չեմ: Այդ կապակցությամբ որոշումներ կայացնողը ժողովուրդն է և, կարծում եմ, այդ հարցերը պետք է ուղղել ժողովրդին՝ չնայած, չեմ կարծում, որ այն, ինչ կլսեք, արժանի կլինի եթեր հեռարձակելու», - այսօր լրագրողների հետ ճեպազրույցում ասաց ՀՀ վարչապետ Նիկոլ Փաշինյանն՝ արձագանքելով լրագրողի հարցին, թե ինչպե՞ս կգնահատի Քոչարյանի վերադարձը քաղաքականություն:
Նիկոլ Փաշինյանն անդրադարձավ քննադատություններին, ըստ որոնց՝ ղեկավարած կառավարությունը չունի հստակ տնտեսական կամ արտաքին քաղաքականություն.
«Մարդիկ կան, ովքեր արտաքին քաղաքականություն ասելով հասկանում են այն, ինչ Հայաստանը տարել է ձախողումների: Մենք չենք պատրաստվում այդ նույն ճանապարհով գնալ»:
