Հետևեք նաև Asekose.am-ին՝ տելեգրամում։
Դեռ վաղ է գնահատականներ տալ։ Ի վերջո, ես իշխող «Քաղաքացիական պայմանագիր» կուսակցության պատգամավոր չեմ։ Այս մասին սեպտեմբերի 13-ին ԱԺ-ում լրագրողների հետ զրույցում, խոսելով Ադրբեջանի հերթական ագրեսիան դատապարտող միջազգային որեւէ հստակ արձագանքի բացակայության մասին, հայտարարեց «Պատիվ ունեմ» խորհրդարանական խմբակցության ղեկավար Հայկ Մամիջանյանը։
Ընդ որում, նա նա կոչ արեց միջազգային գործընկերներին շտապել։
«Մեր միջազգային գործընկերները պետք է հասկանան, որ ամեն րոպե հայի արյուն է թափվում»,- ասաց ընդդիմադիրը։
Հիշեցնենք, որ սեպտեմբերի 13-ի կեսգիշերին Ադրբեջանի ԶՈւ ստորաբաժանումները սկսել են ինտենսիվ հրետակոծել Սոթքում, Վարդենիսում, Գորիսում, Կապանում, Արտանիշում և Իշխանասարում տեղակայված հայկական դիրքերը։ Հարվածներ են հասցվում նաեւ քաղաքացիական ենթակառուցվածքի օբյեկտների ուղղությամբ։ Հայկական կողմից կան զոհեր եւ վիրավորներ։ Հայաստանի իշխանություններն արդեն դիմել են Ռուսաստանին, ՀԱՊԿ-ին և ՄԱԿ-ի Անվտանգության խորհրդին՝ հանրապետության ինքնիշխան տարածքի դեմ Ադրբեջանի ագրեսիայի կապակցությամբ։
