«Ուզում եմ ևս մեկ անգամ հիշեցնել բոլորին, որ Հայաստանի Հանրապետությունում քրեական գործեր երբևիցե որևիցե մեկի դեմ կամ հանդեպ չեն հարուցվում, քրեական գործերը հարուցվում են ըստ փաստերի և չեն հարուցվում ըստ մեր կամ որևիցե մեկի նախասիրությամբ:
Խնդրում եմ սա նկատի ունենալ, հիշել հիմա, այսուհետ և ընդմիշտ»,-այսպես արձագանքեց «Ելք» խմբակցության պատգամավոր Ալեն Սիմոնյանը Սամվել Ֆարմանյանին:
Հիշեցնենք, որ մինչ այդ Սամվել Ֆարմանյանը հայտարարություն էր արել և անդրադարձել իր քրոջ դեմ հարուցված քրեական գործին: «Ակնհայտ է ինձ համար, որ սա առնչվում է ինձ՝ որպես ԱԺ պատգամավորի»,- նշեց պատգամավորը և հավելեց, որ անհիմն, շինծու գործ է թխվել: «Սա գործողություն է, որը չի կարող մնալ անպատասխան»,- ասաց պատգամավորը:
Կարդացեք նաև՝ Անհիմն, շինծու մեղադրանք է առաջադրվել. Սամվել Ֆարմանյանն ԱԺ-ում անդրադարձավ քրոջ գործին
