«Ժառանգություն»-ում որևէ պառակտում չկա, կան տարբեր անհատներ` տարբեր կարծիքներով: Այս մասին այսօրվա ասուլիսին հայտարարել է «Ժառանգություն» կուսակցության ղեկավար Րաֆֆի Հովհաննիսյանը:
Նա ընդգծել է, որ ինքը սխալ չի համարում խորհրդարանական ընտրությունների ժամանակ «Ժառանգության» և «Ազատ դեմոկրատների» միասնական ցուցակի կազմումը:
« Կարեւոր էր փորձը, թեեւ չհաջողվեց երկարատեւ համագործակցել: Այս անգամ չստացվեց, հաջորդ անգամ՝ կստացվի»,- նշել է Ր. Հովհաննիսյանը:
Նա նաև տեղեկացրել է, որ այսօր Բաքու է մեկնում` մասնակցելու Ասիական քաղաքական կուսակցությունների 7-րդ միջազգային համաժողովին: «Հրավերը այն ժամանակ, երբ Ադրբեջանը հերոսացրեց Սաֆարովին և «Ժառանգությունը» հայտնեց, որ այն երկիրը, որը հերոսացնում է վախկոտ մարդասպանին, արժանի չէ միջազգային ուշադրության»,- տեղեկացրել է կուսակցությանը առաջնորդը և հավելել, որ համաձայնել են մասնակցել համաժողովին, քանի որ կազմակերպիչները խոստացել են ապահովել անվտանգություն և խոսքի հավասար հնարավորություն:
