Կրծքով սնուցման համաշխարհային 20-րդ շաբաթվա շրջանակներում, հոկտեմբերի 16-ին Հյուսիսային պողոտայում Վստահություն ՀԿ-ն կազմակերպել էր ֆլեշ մոբ, որն ուղղված էր կրծքով սնուցման խրախուսմանը:
Միջոցառմանը մասնակցեցին երիտասարդ ծնողներ, որոնք իրենց մասնակցությամբ և «գործողություններով» փորձում էին բարձրացնել հասարակական իրազեկման մակարդակը՝ կապված կրծքով սնուցման անհրաժեշտության և դրա բացառման դեպքում բացասական հետևանքների հետ:
Միջոցառմանը ներկա էր նաև ՀՀ Առաջին Տիկին Ռիտա Սարգսյանը, ով իր աջակցությունը հայտնեց կազմակերպիչներին:
