Այսօր Էջմիածնում վարչապետ Նիկոլ Փաշինյանին էին մոտենում քաղաքացիները և ներկայացնում իրենց խնդիրները: Նրանցից մեկն ասաց.
«Սամվել Կարապետյանի դրած շոտչիկներով ամիսը 3000-4000 դրամ ժողովուրդն ավել հոսանքի փող է վճարում: Պարոն վարչապետ, մի հատ վերանայեք, խնդրում եմ»:
Նա նշեց, որ տասնյակ տարիներ 7000 դրամից ավելի երբեք չի վճարել, իսկ այս նոր հաշվիչները տեղադրելուց հետո «ամիսը 13-14 հազար դրամ է վճարում.
«Ժողովուրդը միշտ բողոքում է: Մեղք ենք, ուղղակի թալանում են, խնդրում եմ՝ վերանայեք»,- կրկնեց էջմիածնեցին:
Հիշեցնենք, որ այսօր վարչապետ Նիկոլ Փաշինյանը Էջմիածնում մասնակցում է քաղաքի հիմնադրման 2704-ամյակի տոնակատարությանը: