Արդեն տեղեկացրել ենք, որ Երևանի ընդհանուր իրավասության առաջին ատյանի դատարանի Շենգավիթի նստավայրում Հայկ Սարգսյանի գործով դատական նիստի ընթացքում քննվում է Հայկ Սարգսյանի խափանման միջոց կալանքը փոխելու հարցը:
Հայկ Սարգսյանի պաշտպան Երեմ Սարգսյանը հայտնել է, որ Հայկ Սարգսյանի ընկերները գրավի հարցով պատրաստակամություն հայտնել են. «Մենք պատրաստ ենք վճարել այնքան գումար, որքան օրենքով է սահմանված՝ ողջամիտ ընդունված պրակտիկայի համաձայն»:
Դատախազ Առաքելյանն առարկել է Հայկ Սարգսյանի խափանման միջոց կալանավորումը՝ այլըտրանքային խափանման միջոցով փոխելու վերաբերյալ միջնորդությանը: Դատախազը հայտնել է, որ գրավի կիրառումն անթույլատրելի է:
Դատարանը գնաց խորհրդակցական սենյակ. որոշումը կհրապարակվի սեպտեմբերի 10-ին՝ ժամը 12-ին:
Հիշեցնենք, որ նիստի ժամանակ Հայկ Սարգսյանն ասել էր, որ ինքն առողջական խնդիրներ ունի, բայց թե ինչպիսի՝ բարձրաձայնել չէր ցանկացել, նշելով, որ իր խնամքին ունի անչափահաս երեխա:
Հիշեցնենք նաև՝ Հայկ Սարգսյանին մեղադրանք էր առաջադրվել սպանության փորձ կատարելու, ապօրինի կերպով հրազեն և ռազմամթերք ձեռք բերելու ու պահելու համար:
Հայկ Սարգսյանին մեղադրանք է առաջադրվել Քրեական օրենսգրքի 235-րդ հոդվածի 1-ին եւ 34-104-րդ հոդվածի 1-ին մասով:
Կարդացեք նաև՝ Սաշիկ Սարգսյանի որդին 2007-ին թմրանյութի ազդեցության տակ քաղաքացու է կրակել. դատախազությունը վերաբացում է քրգործը
ԱԱԾ գործողությունը կապված է ոչ թե Ալեքսանդր Սարգսյանի, այլ Նարեկի հետ. նա լքել է երկիրը
«Վեշերս ա դուրս գնալու, մայկա, տրուսիկ». Սաշիկ Սարգսյանի որդին՝ ԱԱԾ-ի կողմից հայտնաբերվածի մասին
