Կառավարության օգոստոսի 9-ի նիստում վարչապետ Նիկոլ Փաշինյանը հայտարարեց, որ Հայաստանի պետական կառավարման համակարգը ուռճացված է։
«Կարծում եմ՝ սա ակնհայտ է բոլորին, ու մենք կարծում ենք, որ այս ընթացքում նաև դրանում համոզվելու առիթներ ունեցել ենք»,-ասաց նա։
Վարչապետը նշեց, որ բյուջետային հայտերի քննարկման ժամանակ իրենք այնպիսի ծախսերի են հանդիպում, որ չեն կարողանում հավասարակշռված արձագանքել դրան։
«Մենք գնալու ենք շատ լուրջ լուծումների ու շատ լուրջ բարեփոխումների, ի վերջո, ՀՀ քաղաքացիները պետք է իմանան ինչի վրա է ծախսվում ամեն լուման, ամեն դրամը»,-ասաց նա։
«Կառավարման համակարգը ո՞նց է աշխատել մինչև հիմա՝ հորքուր, մորքուր, խնամի, ծանոթ, բարեկամ, ընտրությունների վստահված անձ, բոլորին բերել լցրել են պետական կառավարման համակարգ»,- ասաց Փաշինյանը։
Նա շեշտեց՝ հիմա այսպիսի խնդիր չկա դրված։
«Պետական կառավարման համակարգը պետք էարդյունավետ օգտագործվի»,-ասաց վարչապետը։