Կառավարության այսօրվա նիստին տարածքային կառավարման և ենթակառուցվածքների նախարար Սուրեն Պապիկյանը կրկին բացակայում էր։

Փոխվարչապետ Տիգրան Ավինյանն ասաց, որ նախարարը շարունակում է ինքնամեկուսացած մնալ։

«Հույս ունենք՝ պարոն Պապիկյանը կառավարության մյուս նիստին անպայման կմասնակցի»,- ասաց փոխվարչապետը։

Հիշեցնենք՝ նախարարությունում կորոնավիրուսի դեպքեր էին հաստատվել. նախարարը թեստ էր հանձնել, պատասխանը բացասական էր։