ՏԿԵ նախարար Սուրեն Պապիկյանը երեկ կորոնավիրուսի երկրորդ թեստն է հանձնել, որի արդյունքները ևս բացասական են:
Այս մասին ֆեյսբուքյան իր էջում հայտնում է Պապիկյանի մամուլի խոսնակ Արմինե Մուրադյանը,
«Ուրախ եմ տեղեկացնել, որ նախարար Սուրեն Պապիկյանը երեկ կորոնավիրուսի երկրորդ թեստն է հանձնել, որի արդյունքները ևս բացասական են:
Բացասական են նաև նախարարության մյուս աշխատակիցների թեստերը, որոնք շփում էին ունեցել վարակակիրների հետ և այդ պատճառով գտնվում էին ինքնամեկուսացման մեջ:
Նախարարն ու նախարարության աշխատակիցները կվերադառնան աշխատանքային բնականոն գործունեությանը` իհարկե խստիվ պահպանելով անվտանգության կանոնները»:
Հիշեցնենք, նախարար Սուրեն Պապիկյանը մի քանի օր առաջ ինքնամեկուսացել էր՝ նախարարության վարակակիր աշխատակիցների հետ շփում ունենալու պատճառով: Առաջին թեսի պատասխանը բացասական էր:
