▲ Դեպի վեր

lang.iso lang.iso lang.iso

Սյունիքի մարզպետի որդուն և թիկնապահին կալանավորել են

Երեկ՝ հունիսի 3-ին, Սյունիքի մարզի ընդհանուր իրավասության դատարանում դռնփակ դատական նիստ է տեղի ունեցել: Նշված դատարան է  դիմել ՀՀ ՊՆ քննչական ծառայության հատկապես կարևորագույն գործերով ավագ քննիչ Ալիկ Ղազարյանը, որպեսզի դատարանը որպես խափանման միջոց երկամսյա կալանքի որոշում կայացնի Գորիս քաղաքի բնակիչներ Տիգրան Խաչատրյանի և Զարզանդ Նիկողոսյանի նկատմամբ. տեղեկացնում է shamshyan.com-ը:

Ինչպես հայտնել  է ֆոտոլրագրող Գագիկ Շամշյանը, նշված դատարանի դատավոր Նապոլեոն Օհանյանը, դռնփակ դատական նիստն անցկացնելուց հետո վերադառնալով  խորհրդակցական սենյակ`  բավարարել է զինդատախազության քննիչի միջնորդությունը, որից հետո նշված անձինք տեղափոխվել են  ՀՀ Արդարադատութան նախարարության Նուբարաշեն քրեակատարողական հիմնարկ:

Ֆոտոլրագրողը հայտնում է, որ Սյունիքի մարզպետ Ս. Խաչատրյանից ստորագրություն է վերցվել՝ հանրապետությունից չբացակայելու համար: 

Հիշեցնենք, որ հունիսի 1-ին՝ ժամը 23:40-ին, ոստիկանությունը ահազանգ է ստացել, որ Գորիս քաղաքի Դավիթ-Բեկի փողոցի թիվ 1 հասցեում գտնվող Սյունիքի մարզպետ Սուրիկ Խաչատրյանի տան մոտ կրակոցներ են հնչել: Կրակոցներից տեղում մահացել է Գորիսի քաղաքապետի նախկին թեկնածու, 43-ամյա գործարար Ավետիք Բուդաղյանը, իսկ նրա եղբայրը՝ ԼՂՀ N զորամասի հրամանատար Արտակ Բուդաղյանը վնասվածքներով տեղափոխվել է հիվանդանոց: 

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին