«Հանուն Հայ զինվորի» ՀԿ ղեկավար Դավիթ Թորոսյանը ֆեյսբուքյան իր էջում գրել է. «Շուշի-Քարինտակ հատվածը թշնամին փակել էր ամիսներ առաջ, որը շրջանցող լեռնային գրունտային ճանապարհը, շրջանցում գնում միանում էր Լիսագոր-Բերձոր-Գորիս ճանապարհին ու դուրս էր գալիս Հայաստան։ Աղավնոյի, Բերձորի օկուպացիայից հետո, Բերձոր քաղաքը շրջանցող ճանապարհ էր կառուցել թշնամին և Հագարի գետի վրա կամուրջ։ Կամուրջի վրայով անցնում էինք մենք, իսկ ներքևով` թշնամին։ Վերջերս, Տեղ գյուղի հայտնի դեպքերով պայմանավորված, ճանապարհի այդ հատվածը ևս փոխվեց, ապրիլի 1-ից բացվեց Տեղ-Կոռնիձոր ճանապարհը, որը կրկին, շրջանցելով շրջանցիկ ճանապարհը, գնում և միանում էր Հագարիի կամրջին։ Հենց այս հատվածում էլ այսօր արգելափակել է թշնամին։ Այսինքն թե՛ Բերձորը շրջանցող ճանապարհը, թե՛ Բերձորը շրջանցող շրջանցիկ ճանապարհը շրջանցող ճանապարհը, թե՛ Ստեփանակերտ-Շուշի-Գորիս ճանապարհը, թե՛ Քրքրջանով լեռնային ճանապարհը, բոլորը ի վերջո հատվում էին այստեղ ու Արցախը Հայաստանին միանալու որևէ այլ հատված չկա։
Այս ամենի արդյունքում, Արցախի Հին Շեն, Մեծ Շեն, Եղծահող, Լիսագոր գյուղերը փաստացի բոլոր կողմերից շրջափակված են, քանի որ կտրված է կապը թե՛ Ստեփանակերտի հետ(վերջերս 2054.0 բարձունքը գրավելու հետևանքով), թե՛ Գորիսի հետ, իսկ ընդհանուր առմամբ Արցախը տոտալ շրջափակման մեջ է և արտաքին աշխարհի հետ կապող ցամաքային ուղի չունի»:

Տեսանյութը՝ Մարատ Եգանյանի ֆեյսբուքյան էջից