Ամերիկյան ռեալիթի-շոուի 33-ամյա աստղ Քիմ Քարդաշյանը, ով Փարիզում հասցրել է կուրծքը ցուցադրել, մայիսի 24-ին ամուսնանալու է ռեփեր Քանիե Ուեսթի հետ: Փարիզում կայանալու է նախատոնական ճաշկերույթն ընկերների ու բարեկամների հետ, այնուհետեւ մասնավոր օդանավերով հյուրերին փոխադրելու են Ֆլորենցիա, որտեղ կայանալու է հարսանեկան արարողության հիմնական մասը։  Իսկ մինչ այդ, Քարդաշյանի ընտանիքի համար կյանքը Ֆրանսիայում շարունակվում է: Արդեն Փարիզ են ժամանել Քիմի քույրերը՝ Քենդալն ու Քայլին: Քիմն ու Քանիեն ծպտված գնացել են մարզասրահ, իսկ հետո պապարացիները Քիմին տեսել են դստեր՝ Նորթի հետ: