«120 հազար մարդ սովից մեռնում ա, էլ չասած, որ ամեն րոպե հնարավոր է հարձակում, նոր զոհեր ու գերիներ․․․ հլը սրանց բան ու գործը, հլը սրանց մտահոգությունը․ պաշտոնյաների ավտոշարասյանը թույլատրել երթևեկի անսահմանափակ արագությամբ, այսինքն՝ ասենք 100-ի տակ Աբովյան փողոցով իջնեն։ Էնքան վախեցած են, տենց լավ չի, հելեք մարդա մի հատ վեռտալյոտներով ման եկեք, մեկա շատ փող ունեք, նենց եք կոռուպցիա արել, մենակ Աստված գիտի։ Վախենում են դանդաղ գնան, ժողովուրդը բռնի, մորթի»։ 

Այս մասին ԱԺ նախկին պատգամավոր Գևորգ Պետրոսյանը խոսել է  168 TV-ի եթերում՝ անդրադառնալով  Կառավարության ներկայացրած նոր նախագծին, որով առաջարկվում է գործող օրենքով սահմանված առավելագույն արագությունը (բնակավայրերում՝ մինչև 100 կմ/ժ, բնակավայրերից դուրս՝ 120 կմ/ժ) գերազանցելու իրավունք վերապահել շքախմբում ներգրավված ավտոմեքենաներին։