ՀՀ քննչական կոմիտեի Երևանի քննչական վարչության նախկին պետ Ջոն Ֆարխոյանը ձերբակալվել է քաղաքաշինության կոմիտեի նախագահ Վահագն Վերմիշյանի գործի շրջանակներում։
Այս մասին գրում է Armdaily.am-ը: Ավելի վաղ կայքն անդրադարձել էր Ջոն Ֆարխոյանի ազատմանը՝ նշելով, որ նրա՝ պետի պաշտոնից ազատելու պատճառը եղել է այն, որ խորհրդակցություններից մեկի ժամանակ ՔԿ ղեկավար Հայկ Գրիգորյանը հանդիմանել է Ֆարխոյանին՝ նշելով, որ քաղաքում գործերի բացահայտման տոկոսը շատ ցածր է, դժգոհ է իր աշխատանքից։
Հիշեցնենք, որ Քաղաքաշինության կոմիտեի նախագահ նախագահ Վահագն Վերմիշյանը ձերբակալվել էր առանձնապես խոշոր չափի կաշառք ստանալու համար։ Նա խոստովանել է հանցագործության կատարումը: