«Փաստինֆո»-ն գրում է. Երևանի Կոնտրոն և Նորք Մարաշ ընդհանուր իրավասության դատարանում այսօր կայացած Վերնիսաժի գործով դատական երկրորդ նիստը ևս հետաձգվեց` այս անգամ ամբաստանյալ Վալերիկ Հովհաննիսյանի և նրա պաշտպան Արայիկ Ալվանդյանի բացակայության հիմքով:

Դատավոր Գագիկ Պողոսյանը հայտարարեց, որ «Նուբարաշեն» ՔԿՀ-ի ղեկավարությունը դատարանին տեղյակ է պահել, որ ամբաստանյալ Վալերիկ Հովհաննիսյանը դեկտեմբերի 10-ին տեղափոխվել է Իզմիրլյան բժշկական կենտրոն:

Հիշեցնենք՝ այս գործով արդեն 3-րդ դատական նիստը հետաձգվում է՝ դատավարության մասնակիցներից որևէ մեկի բացակայության պատճառով:

Դատական նախորդ նիստը ևս հետաձգվել էր վալերի Հովհաննիսյանի բացակայության պատճառով: ՔԿՀ-ից դատարանին տեղյակ էին պահել, որ Վալերիկ Հովհաննիսյանն այս պահին ունի բարձր զարկերակային ճնշում և չի կարող ներկայանալ դատարան:

Դատական հաջորդ նիստը տեղի կունենա դեկտեմբերի 25-ին:

Առավել մանրամասն՝ սկզբնաղբյուր կայքում