«Անկեղծ պետք է ասեմ՝ Ղարաբաղի ապագան բավական մշուշոտ է»,- այսօր հանրահավաքի ժամանակ հայտարարեց ՀՀ 2-րդ նախագահ Ռոբերտ Քոչարյանը:
Նա նշեց, որ նոյեմբերի 9-ին ստորագրված փաստաթուղթը ենթադրում է, որ 4.5 տարի անց Ադրբեջանը կարող է պահանջել, որ ռուսական խաղաղապահ ուժերը դուրս գան Արցախի տարածքից, իսկ ներկայիս ղեկավարությունը չի հայտնել, թե ինչ են պատրաստվում անել այդ դեպքում:
«Պարտության դեմք հանդիսացող իշխանությունը չի կարող արդյունավետ բանակցող լինել: Հնարավոր չի բանակցել թշնամու հետ, եթե դու չորեքթաթ տալով ես շարժվում, եթե ծնկներիդ վրա ես կանգնած: Հետևաբար պետք է գա մի իշխանություն, որն ի վիճակի է արհեստավարժ ձևով, հպարտ բանակցել և հասնել Ղարաբաղի համար բարենպաստ լուծումների: Մենք կարող ենք դա անել»,- հայտարարեց Քոչարյանը:
ՀՀ երկրորդ նախագահ Ռոբերտ Քոչարյանի, Հայ Հեղափոխական Դաշնակցության և «Վերածնվող Հայաստան» կուսակցության քաղաքական համագործակցության մեկնարկին նվիրված միջոցառումն ամբողջությամբ դիտեք այս հղումով: