Քաղաքագետ Հայկ Մարտիրոսյանի ֆեյսբուքյան գրառումը․
«Ջրաշխարհի մոտից մինչև Մեգա Մոլլի խաչմերուկ ուղիղ մեկ ժամում հասա: Առանձնյակների հոսքը դեպի ներքև չէր դադարում: Ողջ երթևեկությունը կատարելապես կաթվածահար էր: Տասնյակ հազարավոր գլուխ արարծներ հորդում էին դեպի Կենտրոնի ուղղություն:
Երևանի համար անսովոր էր նման տեսարանը: Այն էլ Նոր Նորքի զանգվածներում: Կարգավորող դժբախտ պարեկը բացատրեց, որ Մեգա Մոլում խաղարկություն էր: Ավարտվել էր:
Եթե այդքան գլուխ առանձնյակ հավաքվեր Հանրապետության Հրապարակում` Հայաստանը կփրկվեր:
Ի դեպ` երբ որոշ կենդանակերպեր բացատրում են թե «հիասթափված» են, ու թե «ոչ ոքի չեն հավատում»` հարց է առաջանում. փրկության հնարավորությանը չեք հավատու՞մ - Սամվել Ալեքսանյանի՞ն եք հավատում:
Հիասթափվել եք ապրելուց, բայց լափելուց ու խիստ կասկածելի խաղարկությանը որպես գլխաքանակ մասնակցելուց չեք հիասթափվե՞լ:
Մի քանի օրից էլ ռուսաթրքառաբիզի արքա ՌԴ քաղաքացի Դումիկյանի համերգն է: Ասում են տասնյակ հազարավոր տոմսեր են վաճառվել: Ասում եմ` հսկայական դահլիճն էլի լիքն է լինելու:
Ո՞վ էր այսօր Մեգա Մոլում: Ո՞վ է լինելու Դումիկյանի համերգին:
Ճիշտ եք` ժողովուրդը: Թե՞ նախիրը: Դուք որոշեք:»
