Վլադիմիր Պուտինն այսօր Մոսկվայում կայացած ասուլիսի ժամանակ խոսել է նաև Ուկրաինայի նախկին նախագահ Վիկտոր Յանուկովիչի մահվան մասին շրջանառվող լուրերին:
Պուտինը նշել է, որ 2 օր առաջ է հանդիպել Յանուկովիչին:
«Ես հանդիպել եմ Վիկտոր Յանուկովիչի հետ մեկ անգամ, դա երկու օր առաջ էր»,- ասել է Պուտինն ու հավելել.
« Նա ողջ և առողջ էր ու դեռ մասնակցելու է նրանց հուղարկավորությանը, ովքեր այդպիսի լուրեր են տարածում»:
Հարցին, նա կարեկցու՞մ է արդյոք Յանուկովիչին, Պուտինը պատասխանել է.
«Ես այլ բան եմ զգում»:
Հիշեցնենք, որ Մայդանի ակտիվիստ, իրավապաշտպան Միխայիլ Լեբեդը ֆեյսբուքյան իր էջում գրառում է արել՝ նշելով, որ Ուկրաինայի նախկին նախագահ Վիկտոր Յանուկովիչը մահացել է Ռոստովի հիվանդանոցներից մեկում՝ սրտի կաթվածից:
Ավելի ուշ Յանուկովիչի մահվան լուրը հերքել է հիվանդանոցի բժիշկը:
