Թարմացված․ «Խաչակիրներ» ջոկատի անդամները, որոնք Լաչինի միջանցքի ապաշրջափակման պահանջով բողոքի ակցիա են իրականացնում Կառավարության դիմաց, փակել են Տիգրան Մեծի պողոտան։

Թարմացված․ «Տեսնում եմ՝ դեռ քիչ են, քաղաքացիները դեռ չեն ուզում իրար գալ, ոնց որ ամեն մարդ՝ իրա տնով, իրա կոնդիցիոներով, իրա զուգարան-բաղնիքով ա, դրա համար խորհուրդ կտամ՝ փակել ճանապարհները, որ բոլորը միանան, որպեսզի հասկանանք՝ քանի հոգով ենք շարժվում առաջ։ Հայ կա՝ չի գիտակցում, պիտի հասկացնենք, որ սենց պիտի լինի»,- Կառավարության շենքի մոտ ընթացող բողոքի ակցիայի ժամանակ, լրագրողների հետ զրույցում, ասաց «Խաչակիրների» հրամանատար Սարգիս Պողոսյանը։ Նա հայտարարեց, որ պատրաստվում են շարժվել Կոռնիձոր։