Զրոյացնում են մյուսների աշխատանքը, թանի ու ճանճի պատմությունն են դարձնում. Ցոլակյան
ՀՀ արտակարգ իրավիճակների նախարարությունում կայացել է կոլեգիայի ընդլայնված նիստ, որը վարել է ԱԻ նախարար Ֆելիքս Ցոլակյանը: Նիստը նվիրված էր 2019 թվականի գործունեության արդյունքերի ամփոփմանը: Կոլեգիայի նիստին մասնակցում էին նախարարության կազմում ընդգրկված բոլոր ստորաբաժանումների ղեկավարները:
Ելույթով հանդես է եկել ԱԻ նախարար Ֆ. Ցոլակյանը: ԱԻ նախարարն ընդգծել է, որ անցյալ տարին ծանրաբեռնված է եղել բոլոր ուղղություններով և շնորհակալություն է հայտնել նախարարության բոլոր աշխատակիցներին կատարված մեծ աշխատանքի համար:
Հատկապես առանձնացվել է քաղաքացիների նկատմամբ բարեհամբյուր և հարգալից վերաբերմունքի կարևորությունը:
Ֆ. Ցոլակյանը նշել է, որ մշակվում է աշխատանքի գնահատման բալային համակարգ, որի հիման վրա էլ աշխատակիցներն այսուհետ կստանան լրավճարներ:
Անդրադառնալով համակարգում ընթացող կառուցվածքային փոփոխություններին՝ նախարարը հավաստիացրել է, որ Փրկարար ծառայությունում հաստիքները ոչ միայն չեն կրճատվել, այլ նաև՝ պետք է ավելացվեն: Փոփոխություների արդյունքում կհամալրվեն կանխարգելող և արագ արձագանքող ստորաբաժանումները՝ նպատակ ունենալով բարձրացնել աշխատանքի արդյունավետությունը:
Ցավով հիշատակելով անցյալ տարի հրդեհաշիջման աշխատանքների ժամանակ զոհված հրշեջ-փրկարարի մահը՝ նախարարը նշել է, որ ստորաբաժանումների ղեկավարները պետք է ցուցաբերեն առավելագույն զգոնություն և զգուշավորություն փրկարարների աշխատանքը հնարավորինս անվտանգ կազմակերպելու համար:
Մանրամասն՝ տեսանյութում
