Փետրվարի 13-ին ողբերգական դեպք է տեղի ունեցել Արարատի մարզում։ Ժամը 12։30-ի սահմանում «Արտաշատ» ԲԿ-ից Ոստիկանության Արտաշատի բաժին ահազանգ է ստացվել, որ մահացած վիճակում իրենց մոտ է բերվել երեխայի դի:
Այս մասին հայտնում է Ֆոտոլրագրող Գագիկ Շամշյանը։
Ըստ աղբյուրի՝ ոստիկաններն ու քննիչները պարզել են, որ մահացածը Արտաշատ քաղաքի բնակիչ, 6 ամսական Ռոմեալա Ա․-ն է։ Նա նույն օրը, ըստ հարազատների, տանը հանկարծամահ է եղել։
Դեպքի փաստով Արարատի մարզային քննչական վարչությունում սպանություն հատկանիշներով նախաձեռնվել է քրեական վարույթ։
