«ԱԺ հասարակայնության հետ կապերի եւ լրատվության վարչության ղեկավար Արսեն Բաբայանը, որը ոչ վաղ անցյալում մասնագիտական գործունեություն էր ծավալում կալանավայրերի մասով, ԱԺ քառօրյա նիստերի ժամանակ որոշել է պահակի դեր ստանձնել (կալանավայրերում այս դեպքերում օգտագործվում է «կլյուչնիկ» բառը):
Բանն այն է, որ Բաբայանը շատ դժգոհ դեմքով շրջում է ԱԺ միջանցքներում ու շատ խիստ տոնով պահանջում է, որպեսզի լրագրողներն իրենց վզին «կախեն» անցաթուղթը: Իր հրամանը չկատարող լրագրողներին ընդհուպ սպառնում է հանձնել անվտանգության աշխատակիցների ձեռքը` ասելով. «Խոստանում են, որ ձեզնով կզբաղվեն անվտանգության աշխատակիցները»:
Անհասկանալի է, թե ԱԺ լրատվության պատասխանատուն ինչու է որոշել լրագրողների հետ աշխատել բանտային ռեժիմը գործի դնելով: Չնայած այս դեպքում նա ոչ թե աշխատում է, այլ խոչընդոտում է լրագրողների աշխատանքը: Բաբայանին թվում է, թե պատգամավորները գաղութի կալանավորներ են, ինքն էլ «սմենի պետն» է, իսկ մնացած բոլորն իր աշխատակիցներն են, որոնց պետք է անընդհատ կարգի հրավիրել»։
Ուշագրավ այլ հոդվածներ` «ՉԻ» թերթի այսօրվա համարում
