«Եվրատեսիլ 2015» երգի միջազգային մրցույթի կիսաեզրափակիչ փուլից հետո աշխարհի տարբեր ԶԼՄ-երի ուշադրության կենտրոնում է հայտնվել Ռուսաստանը ներկայացնող երգչուհին՝ Պոլինա Գագարինան: Ավստրիական ամենահայտնի ասմագրերից մեկը՝ «Osterreich»-ը, այսօր հրապարակել է իր հերթական համարը, որի մեջ պատկերված է Գագարինայի էրոտիկ լուսանկարը, որն արված էր «Maxim» ամսագրի համար:
Իսկ ահա բրիտանական «Mirror» ամսագիրը Պոլինային դասել է մրցութում հաղթող դառնալու հավակնորդների շարքը:
«Չնայած Ռուսաստանի վարած քաղաքականությանը՝ «Եվրատեսիլ»-ում Պոլինա Գագարինան լավագույնն է»,- գրում են համացանցի եվրոպացի օգտատերերը: Բացի այդ, համաշխարհային պարբերականները Պոլինային արդեն հասցրել են կնքել blonde beauty անվամբ:
