«Ցանկալի է, որ բոլոր ռուսամետ ուժերը մասնակցեին ընտրություններին»․ Պուտինը՝ Փաշինյանին 

Ռուսաստանը ըմբռնումով է մոտենում հայաստանյան ներքաղաքական գործընթացներին նախընտրական քարոզարշավի ֆոնին, սակայն հույս ունի, որ դա չի խանգարի երկու երկրների հարաբերություններին, ասել է ՌԴ նախագահը:

Մենք ձեզ հետ միշտ ազնիվ երկխոսություն ենք վարում, և մենք կցանկանայինք, որ բոլոր քաղաքական ուժերը, քաղաքական գործիչները կարողանան մասնակցել ներքաղաքական գործընթացին։ Նրանցից ոմանք ազատազրկման վայրերում են, չնայած ռուսական անձնագիր ունեն։ Դա ձեր որոշումն է, մենք չենք միջամտում, բայց ամեն դեպքում կցանկանայինք, որ նրանք բոլորը կարողանային մասնակցել ներքաղաքական աշխատանքներին, ասել Է ՌԴ նախագահը Հայաստանի վարչապետի հետ հանդիպմանը։

***

***

Հայաստանի և Ադրբեջանի միջև հարաբերությունների բարելավումը դրական ազդեցություն է ունենում նաև Երևանի և Մոսկվայի հարաբերությունների վրա, հայտարարել է ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ բանակցությունների ժամանակ։
«Սա շատ դրական ազդեցություն ունի Ռուսաստանի հետ մեր հարաբերությունների վրա, քանի որ մեր անկախությունից ի վեր առաջին անգամ մենք երկաթուղային կապ ունենք Ռուսաստանի հետ», - հայտարարել է Փաշինյանը։

***

***

«Մենք երբեք չենք թաքցրել մեր խնդիրները ՀԱՊԿ-ի հետ, քանի որ 2022 թվականին եղել է որոշակի իրավիճակ, երբ ՀԱՊԿ մեխանիզմները պետք է աշխատեին, բայց դրանք չաշխատեցին։ Սա, անկասկած, հանգեցրել է ՀԱՊԿ-ի հետ մեր հարաբերություններում ստեղծված իրավիճակին»,- ՌԴ նախագահ Վլադիմիր Պուտինի հետ զրույցի ժամանակ ակնարկել է ՀՀ վարչապետ Նիկոլ Փաշինյանը:

Ռուսաստանի նախագահ Վլադիմիր Պուտինն էլ հայտարարել է, որ Հավաքական անվտանգության պայմանագրի կազմակերպությունը (ՀԱՊԿ) չէր կարող միջամտել Ղարաբաղում տիրող իրավիճակին՝ 2022 թվականին Պրահայում Հայաստանի ղեկավարության կողմից արված հայտարարություններից հետո։
«Կարծում եմ՝ նույնքան ակնհայտ է, որ 2022 թվականին Պրահայում Ղարաբաղն Ադրբեջանի մաս ճանաչելուց հետո ՀԱՊԿ-ի համար բացարձակապես անտեղի կլիներ միջամտել այս գործընթացին, որը ստացավ ներադրբեջանական երանգ»,- ասաց Պուտինը։

Հիշեցնենք, որ այդ ժամանակ Փաշինյանը Արցախը ճանաչեց Ադրբեջանի մաս:

***

***

***

***

***

Ռուսաստանը տեսնում է, որ Երևանում քննարկում է ընթանում ԵՄ-ի հետ հարաբերությունների վերաբերյալ, և Մոսկվան հանգիստ է վերաբերվում դրան, հայտարարել է Ռուսաստանի նախագահ Վլադիմիր Պուտինը։
«Մենք տեսնում ենք, որ Հայաստանը քննարկում է Եվրոմիության հետ հարաբերությունների զարգացումը։ Մենք լիովին հանգիստ ենք վերաբերվում դրան։ Մենք հասկանում ենք, որ ցանկացած երկիր առավելագույն օգուտ է ստանում երրորդ երկրների հետ համագործակցությունից»,- ասել է Պուտինը ռուս-հայկական բանակցությունների ժամանակ։

***

***

Ռուսաստանն ըմբռնումով է մոտենում Հայաստանի ներքաղաքական գործընթացներին ընտրարշավի ընթացքում, բայց հույս ունի, որ «այս լարվածությունը ոչ մի կերպ չի վնասի մեր հարաբերություններին»։
Նախագահը հույս է հայտնեց, որ Հայաստանի ռուսամետ քաղաքական ուժերը կկարողանան մասնակցել ընտրություններին. «Եվ կան շատ քաղաքական ուժեր [Հայաստանում], որոնք ռուսամետ են։ Իհարկե, ես ձեզ անկեղծորեն կասեմ, մենք երկխոսություն ենք վարում, որտեղ միշտ անկեղծորեն և ուղղակիորեն ենք խոսում, և մենք շատ կցանկանայինք, որ այս բոլոր քաղաքական կուսակցություններն ու քաղաքական գործիչները կարողանային մասնակցել այս ներքաղաքական աշխատանքին ընտրությունների ժամանակ։
...Դա ձեր որոշումն է. մենք չենք միջամտի։ Բայց ամեն դեպքում, մենք կցանկանայինք, որ նրանք բոլորը կարողանային մասնակցել այս ներքաղաքական աշխատանքին»,- կարծիք հայտնեց ՌԴ առաջնորդը: