Այսօր գիշերը սպանություն է տեղի ունեցել Երևանի Աբելյան 3-րդ շենքի մուտքերից մեկում: Երեք երիտասարդների միջեւ կենցաղային վեճ է ծագել, որի ժամանակ նրանցից մեկը դանակով հարվածներ է հասցրել մյուս երկուսին:
ՀՀ ոստիկանության լրատվական բաժնից Asekose.am-ի թղթակցի հետ զրույցում ասացին, որ առևերևույթ հանցագործություն կատարած անձի ինքնությունը հայտնի է,սակայն այս պահին նա դեռ չի հայտնաբերվել:
Մեր տեղեկություններով դանակահարողը եղել է 27-ամյա Գագիկ Գ.-ն, որը դանակահարել է 28-ամյա Արմանին եւ 27-ամյա Վազգենին: Ի դեպ, ըստ շրջանառվող տեղեկությունների, դանակահարողը Վազգեն Դալլաքյանի նկատմամբ դրսևորել է առանձնակի դաժանություն ՝հանել է վերջինիս աչքերը, կտրել է քիթն ու այլ վնասվածքներ պատճառել:
Այս առիթով ոստիկանությունից մեզ հայտնեցին, որ իրենք նման տեղեկություններ չունեն:
