Երբ Դուք սեռական օրգանների հիշատակումներով խոսք եք տարածում, և իմ միջազգային գործընկերներն ինձ պատկերն են ուղարկում, ես գետինն եմ մտնում. Լիլիթ Գալստյանը` Փաշինյանին
Պետք է ամենախիստ կոշտ, կոպիտ, ուժային, դաժան միջոցներ ձեռնարկել մեր երկրում քրեական ենթամշակույթն արմատախիլ անելու համար, ԱԺ-ում հայտարարեց վարչապետ Նիկոլ Փաշինյանը։
«Դա սկսվում է նրանից, որ տղա երեխաների լեզուները բացվում է, նույնիսկ երբեմն մամա-պապա բառերից առաջ հայհոյանք ենք սովորեցնում, հետո էլ ազգուտակով հավաքվում, ծափ տալիս։ Ես ընդունում եմ մեր պատասխանատվությունը, որ մենք պետք է էդ հարցերով զբաղվենք»,- ասաց Փաշինյանը՝ արձագանքելով «Հայաստան» խմբակցության անդամ Լիլիթ Գալստյանի հարցին։
Լիլիթ Գալստյանն արձագանքեց՝ ընդգծելով, որ անցնող 35 տարիների ընթացքում Հայաստանի քաղաքական խոսույթում որևէ գործիչ հայհոյանքն այնպես չի լեգիտիմացրել, ինչպես Փաշինյանն ու իր քաղաքական թիմը։
