Ոստիկանության Էրեբունիի բաժնում նախորդ օրվա գիշերն իրենց մասնագիտական գործունեության իրականացման ժամանակ ոստիկանները երկու փաստաբանի են ծեծի ենթարկել։ Լուրը հաստատել է Փաստաբանների պալատի խոսնակը։ Միջադեպի կապակցությամբ այսօր Փաստաբանների պալատի նախագահ Սիմոն Բաբայանը հրավիրել է հրատապ ասուլիս:
Միջադեպի մասին մանրամասները է գրել ԱրմԼուր.am-ը
«Կայքին հասած տեղեկությունների համաձայն, փետրվարի 8-ին ոստիկանության Երևան քաղաքի էրեբունու բաժնի օպերատիվ հետախուզության բաժնի աշխատակիցները բիրտ ուժի կիրառմամբ բերման են ենթարկել անչափահաս ոսանողների, ծեծի ենթարկել և խոշտանգել։
Արդեն հաջորդ օրն անչափահասներին իրավաբանական օգնության ցույց տալու նպատակով ոստիկանության բաժին ներկայացած փաստաբանների նկատմամբ շուրջ 4 րոպե անընդմեջ բռնություն են գործադրել, ծեծի ենթարկել, սպառնացել և հայհոյել նրանց մասնագիական գործունեության կապակցությամբ»:
Ավելի ուշ, կայքը գրել է, որ ոստիկանության բաժնում ծեծի ենթարկված փաստաբաններն են Էմանուել Անանյանն ու Մարզպետ Ավագյանը։
