footballcity.am: Լա լիգայի 9-րդ տուրի շրջանակներում միմյանց դեմ էին մրցում իսպանական ու համաշխարհային ֆուտբոլի գիգանտներ Ռեալն ու Բարսելոնան: Հանդիպման մեկնարկն, ինչպես նախորդ դիմակայություններում, նյարդային ու լարված ստացվեց. դեղին քարտեր, խաղխտումներ ու մրցավարական որոշումների բողոքարկումներ: Այս սցենարը շարունակվեց մինչև 19-րդ րոպեն, երբ կատալոնական թիմի բրազիլացի հարձակվող Նեյմար դա Սիլվան սուր անկյունից կատարած հնարամիտ հարվածով բացեց հանդիպման հաշիվը: Գոլից հետո 2 թիմերն էլ սկսեցին զգուշավորություն ցուցաբերել, սակայն «սերուցքայինների» ճնշումը րոպե առ րոպե ավելանում էր:
2-րդ խաղակեսը մեկնարկեց հյուրերի բացահայտ առավելությամբ, սակայն Քրիշտիանո Ռոնալդու և Անխել դի Մարիայի հարվածներից հետո բարձրության վրա էր Վիկտոր Վալդեսը: Վերջինս, առհասարակ զարմացրեց փայլուն խաղում և հաղթանակի գործում ամենամեծ ավանդներից մեկն ունեցավ: Փոխեփոխ գրոհներն ու փոքրիշատե բաց ֆուտբոլը շարունակվեց մինչև 79-րդ րոպեն. Ալեքսիս Սանչեսը խելահեղ արագությամբ հակագրոհից հետո կարողացավ ճիշտ գնահատել դարպասապահ Լոպեսի դիրքը և վերջինիս գլխավերեվով գնդակը կախեց դարպասը: Հանդիպման վերջին րոպեներին Վալդեսի հետ մեն-մենակ մնաց Ռոնալդուն, սակայն իսպանացի դարպասապահը կրկին ընդհատեց պորտուգալացու հարվածի ճանապարհը: Սակայն, այս երեկո մայրաքաղաքայիններին վիճարկված էր կրճատել հաշվի տարբերությունը. հանդիպման վերջին րոպեին Խեսեն, մեն-մենակ մնալով անխոցելի թվացող Վալդեսի դեմ, խորամանկ հարվածով գրավեց վերջինիս դարպասը:
2-1. այսպիսով Բարսելոնան հաղթեց Էլ Կլասիկոյում և արդեն 6 միավորով առաջ անցավ հավերժ մրցակցից:
| # | ԹԻՄԵՐ | Խ | Հ | Ո | Պ | ԽԳ | ԲԳ | +/- | Մ |
|---|---|---|---|---|---|---|---|---|---|
| 1 | Բարսելոնա | 10 | 9 | 1 | 0 | 30 | 7 | +23 | 28 |
| 2 | Ատլետիկո Մադրիդ | 9 | 8 | 0 | 1 | 21 | 7 | +14 | 24 |
| 3 | Ռեալ Մադրիդ | 10 | 7 | 1 | 2 | 20 | 11 | +9 | 22 |
