«Հայոց ցեղասպանության հերթական տարելիցը պարզապես հիշեցում չէ անցյալի մասին…Այս օրը հիշեցում է մեզ ուժեղ լինելու մասին»,- գրել է «Ուժեղ Հայաստան» կուսակցության մամուլի խոսնակ Մարիաննա Ղահրամանյանը։
«Մեր հայրենակիցները կոտորվեցին նաև այն պատճառով, որ չունեինք կազմակերպված և ուժեղ պետություն, որը կկարողանար պաշտպանել իր ժողովրդին։
Այսօր մենք մեզ նույն հարցն ենք տալիս՝ պատրա՞ստ ենք լինել ուժեղ, թե՞ ուզում ենք շարունակել կորստաբեր ընթացքը թույլ իշխանության հետ։
Հասարակությունը սպասում է առաջնորդի, որը չի թողնի իր ժողովրդին անպաշտպան ու գլուխ չի խոնարհի հակառակորդի առաջ։
Այս սպասումը օբյեկտիվորեն կապվում է Սամվել Կարապետյանի հետ։
«Ուժեղ Հայաստան» կուսակցության առաջնորդի հետ թիմակիցների հանդիպումը ընդամենը մեկ օրում հավաքել է 1.2 միլիոն դիտում՝ միայն մեր Ֆեյսբուքի պաշտպանական էջում։
Սա պարզապես թիվ չէ։ Սա հստակ ազդակ է։
Սա նշանակում է, որ Հայաստանի քաղաքացին պատրաստ է փոփոխության, պատրաստ է ուժեղ պետության, պատրաստ է ուժեղ առաջնորդի և պատրաստ է այլևս թույլ չլինել»,- նշել է «Ուժեղ Հայաստան» կուսակցության մամուլի խոսնակը։
