Հայաստանի Հանրապետական կուսակցության խոսնակ Էդուարդ Շարմազանովը ֆեյսբուքյան իր էջում գրել է․

«Ի՞նչ եք ուզում։ Հաղթանա՞կ։

Այս կապիտուլյանտ իշխանությունների օրոք դա նույնն է, թե Բրազիլիան ցանկանա հոկեյի աշխարհի չեմպիոնություն նվաճել։

30 տարի հաղթած էինք։ Ու դա փաստել է նաեւ այսօր մեր վրա հոխորտացող Ադրբեջանի ղեկավարը։ Հաղթող էինք 92-ին Շուշիում ու Լաչինում, 93-ին՝ Քարվաճառում, 2016-ի ապրիլին ողջ Արցախում։ Հաղթանակների սիմվոլներին մերժեցիք, հիմա եկել ումի՞ց եք բողոքում։

Բաքվի բռնակալը հիմա մեծ-մեծ լեզվին է տալիս։

Բա առաջ տենց խոսեիր, այ «բիզիմդիր»…

Հազիվ 2016-ի հոկտեմբերին Սերժի ժամանակ լացում էիր, որ «ստիպում են ճանաչել Ղարաբաղի անկախությունը»։ Բայց սա եղել է մեր հասարակության ընտրությունը։ Ամեն ինչի համար մենք պետք է պատասխան տանք։

Բոլորս եւ յուրաքանչյուրս»։