Որոշ ժամանակ առաջ տեղեկացրել էինք այն մասին, որ հոլիվուդյան դերասանուհի Պամելա Անդերսոնը պատրաստվում է նկարահանվել հայտնի հայազգի ռեժիսոր Սարիկ Անդրեասյանի` «Ինչ են ուզում տղամարդիկ» կատակերգության 2-րդ մասում: Իսկ այժմ էլ ըստ ռուսական ԶԼՄ-երի հաղորդմամբ` Սարիկ Անդրեասյանը մտադրություն ունի հոլիվուդյան մի շարք դերասանների մասնակցությամբ ֆիլմ նկարահանել, որի բյուջեն կկազմի 40-50 միլիոն դոլար:
«Դա բլոքբասթեր կլինի, անգամ կարող եմ ասել «ռուսական ֆիլմ», բայց հոլիվուդյան աստղերի մասնակցությամբ»,-պատմել է Սարիկ Անդրեասյանը։
Նշենք սակայն, որ այն դերասանների անունները, որոնց հետ այժմ բանակացություններ են ընթանում, դեռևս հայտնի չեն:
«Պետք է այնպիսի ֆիլմ ստեղծել, որն արտահանելու հնարավորություն կունենա. ահա հենց սրան էլ մենք ձգտում ենք»,- նշել է ռեժիսոր Սարիկ Անդրեասյանը:
