«Շախտյոր»-ի գլխավոր տնօրեն Սերգեյ Պալկինը Football.ua-ի հետ զրույցում անդրադառնալով Հենրիխ Մխիթարյանի շուրջ ստեղծված իրավիճակին` ասել է.
«Հենրիխ Մխիթարյանի պայմանագրում հրաժարականի մասին ոչ մի կետ չկա. այնտեղ առկա է ընդամենը մի կետ, ըստ որի, պայմանագիրը միակողմանի խզելու դեպքում նախատեսվում է տուգանք՝ 30 մլն դոլարի չափով: Եթե Մխիթարյանը ցանկանում է խզել պայամանգիրը ապա նա «Շախտյոր»-ին պետք է վճարի 30 մլն դոլար և գնա այն ակումբը, որը նախընտրում է:
Եթե մենք գնանք քաղաքակիրթ ճանապարհով և վաճառենք ֆուտբոլիստին, ինչով պայմանագիրը չի խախտվի, նրա տրասնֆերի համար պահանջում ենք 30 մլն եվրո»:
Հարցին, թե արդյոք Մխիթարյանը կպատժվի՞ Պալկինը պատասխանել է.
«Իհարկե, Մխիթարյանը կպատժվի: Նա ուսումնամարզական հավաքներին չի եկել, իսկ պայմանագրում ամրագրված են բոլոր տույժերը, իսկ դա մեզ համար խնդիր չէ»:
