Տեսանյութ Asekose.am-ի «ԱսեԽոսե» շարքից, որը, հարցումների միջոցով, ներկայացնում է ժողովրդի անկաշառ ձայնը:
Հերթականն` Ինչպե՞ս եք նշում Վարդավառը. Հարցում նաև մարդկանց վրա ջուր ցողելը գռեհկության վերածելու մասին
Վարդավառը կամ Քրիստոսի Պայծառակերպությունը, Հայ Առաքելական Եկեղեցու հինգ տաղավար տոներից է։ Տոնը նշվում է Սուրբ Զատիկից 98 օր հետո՝ հունիսի 28-ից օգոստոսի 1-ն ընկած ժամանակահատվածում։
Այս տարի Վարդավառը նշվելու է հուլիսի 8-ին:
Վարդավառը մեր ժողովրդի սիրած ու ավանդական տոներից մեկն է, որ նաև խորհրդանշում է տարեպտույտ, կյանքի նորացում, սեր, նաև՝ փոխադարծ հարգանք ու հոգածություն միմյանց հանդեպ:
Ցավոք, մեր որոշ համաքաղաքացիների կողմից արձանագրվում են ծիսական արարողությունը տհաճ դրսևորումներով փախարինելու, մարդկանց անհանգստություն և անհարմարություն պատճառելու դեպքեր։
Խոսելով Վարդավառի տոնին մարդկանց վրա ջուր ցողելը գռեհկության վերածելու հանգամանքի մասին, քահանաններից մեկը մի առիթով ասել էր. «Իրականության մեջ ջրելը շատ լավ բան է դրա մեջ կա խորհուրդ: Ժամանակին վարդի թերթիկներով կամ վարդի յուղով պատրաստված ջրով կիրթ ձևով իրար ցողել են և դրանով մեկը մյուսին օրհնել է, բարեմաղթանք է հղել, սակայն մեր օրերում դա շատ գռեհկացված է դարձել: Կարելի է շատ կիրթ ձևով մշակույթ ստեղծել` պարզապես ջուրը վերցնել, շաղ տալ»:
