ՀՀԿ երիտասարդական կազմակերպության ղեկավար Հենրիխ Դանիելյանը ֆեյսբուքյան իր էջում գրել է. «Մարդիկ, ովքեր իրենցից երբեք ոչինչ չէին ներկայացրել, ովքեր ընդամենը մի քանի տարի առաջ ապրելու խնդիրների առաջ էին կանգնած, այսօր ահռելի ունեցվածքի տեր մարդիկ են։
Կախարդական փայտիկով իշխանության ղեկին հայտնված, տարածքային ու մարդկային կորուստներ պատճառած, արժեքները ոտնահարած, հարկատուների հաշվին ունեցվածքներ դիզած ու պետության արտաքին պարտքը միլիարդների հասցրած մարդիկ այսօր իրենց իրավունք են վերապահում խոսել պետության թալանված վիճակից։
Հ.Գ. ՔՊ-ն այսօր ասոցացվում է թալանի, կաշառակերության և ապաշնորհ կառավարման հետ։
Այս նկարներում ներկայացված է նրանց ստացած պարգևավճարների և ունեցվածքի մի փոքր հատվածը միայն»։
