Ամենայն հայոց Կաթողիկոսը կատարել է խաղողի օրհնության կարգը։
«Մենք միաժամանակ հայց և աղոթք առ աստված բարձրացրեցինք, որպեսզի սուրբ Աստվածամոր բարեխոսությամբ առատորեն հեղվեն շնորհներն ու օրհնությունները մեր կյանքին։ Մեր կյանքը դառնա պտղաբեր, բարությամբ ու բարիքներով, և մենք, մեր ժողովրդի զավակները ի Հայաստան և ի սփյուռս, լավատեսությամբ, հույսով ու հավատքով, շարունակել, արարել, շենացնել մեր հայրենիք և բարո դարձնել մեր ժողովրդի կյանքը, որպեսզի կարող լինենք մշտապես հեռու վանել ժամանակների մատուցած բոլոր փորձությունները»,-հավատացյալներին ուղղված խոսքում ասել է Ամենայն հայոց կաթողիկոս Գարեգին Բ-ն։
