pressident.am-ը գրում է. Լրատվամիջոցներից մեկում հրապարակում էր տեղ գտել, այն մասին, իբրև Հայաստանի լավագույն մանեքենուհիներից մեկը` Զառա Մինասյանը աշխատում է կառավարությունում, քանզի մտերմիկ հարաբերություններ ունի ՀՀ վարչապետ Հովիկ Աբրահամյանի հետ:
Ողջ նյութում կասկածի տակ է դրվում աղջկա մասնագիտական որակներն ու ունակությունները և շարունակ շեշտվում վերջինիս մանեքենուհի լինելու հանգամանքը: Երբ Զառան կարդացել է իր և վարչապետի մասին տարածված այդ լուրը, նյարդայնությունից ու զայրույթից, իր խոսքերով, դողացել է:
- Շոկի մեջ եմ, ասաց հայտնի մոդելն, ով այսօր նաև ՀՀ կառավարության աշխատակազմի անդամ է. գնումների բաժնի աշխատակցուհի: Ես նրա հետ ոչ մի կապ չունեմ, առհասարակ անգամ անձամբ ծանոթ չեմ նրա հետ: Զարմանում եմ, թե որտեղից են նման տեղեկություններ ստանում և տարածում, ինձ շատ վատ եմ զգում, որ իմ և այդ մարդու անունը խառնել են իրար, -նշել է Զառա Մինասյանը:
Մոդելը, ով 2014-ի օգոստոսից համատեղությամբ աշխատում է կառավարության գնումների բաժնում որպես առաջատար մասնագետ, ավարտել է Վ. Բրյուսովի անվան լեզվաբանական համալսարանը, ռուս-անգլերեն ֆակուլտետը: Զառան վրդովված է այդ անհիմն հրապարակումից, և հարցազրույցում պնդել է, որ դատի է տալու նրանց իրեն զրպարտելու համար:
Այն հարցին, թե այնուամենայնիվ ինչու են իրենց անունները կապել և նման նյութ հրապարակել, Զառան նկատեց,- ուղղակի նյութ չունեն, գրողն ու տարածողն էլ անգրագետի մեկն է, նոր տարվա դեմ նյութ, թեմա չունեն, մարդկանց գլխին են սարքում: Ես վարչապետին չեմ էլ տեսնում, մենք տարբեր մասնաշենքերում ենք նստում: Ես ինչպես իմանամ, թե որտեղից են հորինում նման բաներ. այդ մարդու հետ բառ անգամ փոխանակած չկամ: Նման սուտ լուրն այդպես չեմ թողնի, դատի եմ տալու, -նշել է նա:
Հեղինակ` Անի Քոչար
Կարդացեք նաև`Զառա Մինասյան անունով աշխատակից կառավարության որևէ ստորաբաժանումում չի աշխատում
Արձագանք «կառավարությունում աշխատող» մոդել Զառա Մինասյանի մասին լուրերին
